Vende pune dhe pagesa të majme, si Rusia “josh” afrikanët për t’iu bashkuar radhëve ruse në luftën ndaj Ukrainës, të paktën 55 ganezë kanë humbur jetën 27/02 18:42
Një video në rrjete sociale tregon minutat e fundit të jetës së bankieres ruse, Kristina Baikova, e cila vendosi të hidhej nga kati i 11-të i ndërtesës.
Policia nisi hetimet ku rezultoi se Kristina kishte organizuar një festë për shoqërinë në banesën e saj, më 24 qershor natën kur ndodhi ngjarja.
Mes të ftuarve ishte edhe i dashuri i 28-vjeçares, Andrej me të cilin dyshohet se kishte nisur lidhjen vetëm pak javë më parë.
Pas disa orësh, të ftuarit vendosën të shkonin në klubin e natës, duke lënë vetëm Kristinën dhe Andrejn.
Sipas mediave lokale, vajza papritmas filloi të qante në mënyrë histerike, më pas dyshohet se u hodh në këmbët e Andrejt duke mërmëritur diçka të pakuptueshme. Më pas, ajo shkoi në tarracë duke u mbajtur në skajin e murit.
Situata ka zgjatur rreth 15 minuta, gjatë së cilës Andrej i mërzitur ka tentuar ta bindë të kthehet në banesë.
“Eja shpirt! Të premtoj se do të jemi mirë”, dëgjohet duke thënë. I riu përsërit se e do dhe se do të martohen e do të kenë fëmijë. Momenti është filmuar, për arsye që ende nuk dihen. “Ma jep dorën”, dëgjohet duke u lutur ai.
Kristina i thotë se është njeri i dobët dhe se nuk është e denjë për të.
Në një moment, i riu ka hyrë në dhomën tjetër për të hapur dritaren për të kapur vajzën, por teksa është afruar ka dëgjuar një britmë të tmerrshme dhe zhurmën e një goditjeje.
Kristina mbeti e vdekur në vendin e ngjarjes, ndërsa pas hetimeve u konstatua se ajo ishte duke marrë ilaçe hormonale të cilat mund të kenë ndikuar në gjendjen e saj emocionale. Nën hetim është edhe Andrej i cili për 15 minuta filmoi ngjarjen.
Top Channel
