Akuzohet për spiunazh në favor të Rusisë dhe Iranit, arrestohet punonjësi i ambasadës amerikane në Oslo 22/11 22:38
Pesëmbëdhjetë njerëz kanë vdekur nga helmimi prej alkoolit në Iran pas konsumit të pijeve artizanale alkoolike, raportonin sot mediat shtetërore teksa fatkeqësisht numri i incidenteve të tilla është raportuar në rritje.
“Deri tani 15 njerëz kanë vdekur dhe 180 të tjerë janë prekur nga helmimi ose shtruar spital,” tha Hossein Fazeli Harikandi, gjyqtar i provincës Alborz, ku ndodhën helmimet, sipas agjencisë shteterore IRNA.
Shumica e të shtruarve kanë dalë tashmë nga spitali por disa prej tyre kanë humbur shikimin dhe disa të tjerë kanë pësuar dializë prej dëmeve në mëlçi.
Irani ka ndaluar prodhimin dhe konsumin e alkoolit që prej revolucionit islamik të vitit 1979 por konsumi ilegal vijon në mënyrë të fshehtë.
Kjo ka bërë që tregtia e pakontrolluar e këtyre pijeve të lulëzojë në tregun e zi, ku shpesh gjen produkte me alkoolin e lirë industrial metanol, në vend të etanolit të përdorur në produktet e ligjshme, shkruajnë mediat.
Autoritetet në provincën Alborz thanë se kanë arrestuar gjashtë njerëz dhe kanë sekuestruar më shumë se 6,000 litra alkool nga një fabrikë kozmetikësh, shtoi zëdhënësi Harikandi.
Instituti i mjekësisë ligjore të Iranit tha sot se 644 njerëz kanë vdekur nga konsumi i pijeve ilegale të alkoolit vetëm këtë vit, në një rritje prej 30% për të njëjtën periudhë në krahasim me 12-muaj më parë.
Në maj 2022, tetë njerëz u raportua se humbën jetën në Bandar Abbas pas konsumit të pijeve të pakontrolluara alkoolike.
Top Channel
