Sulmet godasin Bejrutin pas urdhrit izraelit për evakuim 15/11 10:06
SHBA dhe Kina janë zotuar të stabilizojnë marrëdhëniet e tyre të tensionuara pas vizitës dy-ditore të Sekretarit të Shtetit të SHBA Antony Blinken në Pekin.
Blinken u takua me Presidentin e Kinës Xi Jinping për bisedime të hënën, duke rifilluar komunikimet e nivelit të lartë midis superfuqive rivale.
Xi tha se ata kishin bërë përparim, ndërsa z. Blinken tregoi se të dyja palët ishin të hapura për bisedime të mëtejshme.
Por kryediplomati amerikan e bëri të qartë se mbetën dallime të mëdha.
“Unë theksova se komunikimi i qëndrueshëm në nivelet e larta është mënyra më e mirë për të menaxhuar me përgjegjësi dallimet dhe për të siguruar që konkurrenca të mos kalojë në konflik. E kam dëgjuar të njëjtën gjë nga homologët e mi kinezë”, tha ai. “Të dy jemi dakord për nevojën për të stabilizuar marrëdhëniet tona,” u tha Blinken gazetarëve pas takimit 35-minutësh në Sallën e Madhe të Popullit në Tiananmen.
Por Blinken, tha se ai ishte “me sy të qartë” për Kinën dhe kishte “shumë çështje për të cilat nuk pajtohemi”.
Marrëdhëniet midis Pekinit dhe Uashingtonit kanë rënë në vazhdën e një lufte tregtare të epokës Trump, pretendimeve bindëse të Pekinit mbi Tajvanin dhe rrëzimit të një tullumbace të supozuar spiune kineze mbi SHBA në fillim të këtij viti.
Top Channel
