![](https://top-channel.tv/wp-content/uploads/2024/09/fa-hh-442x249.png)
Hollywood është në zi pas vdekjes së papritur të Treat Williams në moshën 71-vjeçare.
Aktori i “Hair and Everwood” vdiq pas një aksidenti me motor pranë shtëpisë së tij në Vermont të hënën në mbrëmje.
Sapo u përhap lajmi, kolegët në të gjithë industrinë filluan të ndajnë kujtimet e tyre me Williams dhe ngushëllimet për familjen e tij:
Sarah Drew, e cila luajti në “Everwood” me Williams, postoi një foto në Instagram së bashku me aktorin dhe i jep ngushëllimet familjes së tij.
Kim Cattrall publikoi një foto të saj dhe të Williams nga filmi i tyre i vitit 1999 “36 Hours to Die”. “Jam në shok! Ngushëllimet e mia për Pam, Gilles, Ellie dhe familjen. Një aktor dhe mik i mrekullueshëm,” shkroi ajo.
John Travolta reflektoi punën me Williams, duke postuar një foto nga një shfaqje në Broadway në Instastory. “Treat Williams dhe unë filluam së bashku në NYC duke u shfaqur në 2 shfaqje në Broadway, “Grease” dhe “Over Here”, shkroi ai mbi imazhin, duke shtuar, “më vjen shumë keq Treat. Ngushëllimet e mia janë me ty dhe familjen. Do na mungosh. John”
Billy Baldwin kujtoi Williams me fjalë të përzemërta përmes Twitter.
“Ai i kishte të gjitha, i zgjuar, i talentuar, komik, simpatik, i suksesshëm, i pashëm, i dhembshur, kishte zemër prej ari. Ai kujdesej vërtet dhe thellësisht për atë që po ndodh këtu në Amerikë dhe përreth botës. Ndryshimi i klimës, drejtësia sociale, liria, e vërteta, toleranca…dashuria. Një humbje e tmerrshme, do na mungosh”, ka shkruar Baldwin.
Sharon Stone ka reaguar përmes një Instastory: Lajm i trishtë, pushofsh në paqe vëlla”.
Melissa Gilbert ka postuar një foto të aktorit të ndjerë në Instagram, duke shprehur tronditje për vdekjen e tij me mbishkrimin: Kjo nuk është e vërtetë. Nuk mund të jetë. Oh, kjo dhemb. #rip #treatwilliams”
Aktori James Woods ndau gjithashtu një kujtim me Williams në Twitter.
“Treat dhe unë kaluam muaj në Romë duke filmuar “Një herë në Amerikë. Mund të ishte goxha i vetmuar në rrugë gjatë një xhirimi të gjatë, por gëzimi i tij elastik dhe sensi i humorit ishin një dhuratë nga Zoti. Unë e doja vërtet atë dhe jam i dëshpëruar që ai është larguar. #RIP #TreatWilliams”, u shpreh Woods.
David Alan Grier shkroi: Ahhhhhh burrëëë! Unë jam i shkatërruar! Kjo po më thyen zemrën. Prehu në paqe. Një nga djemtë me të vërtetë më të mirë që kam takuar ndonjëherë! Lutjet e mia shkojnë për familjen e Treat.
“Tmerrësisht i trishtuar të dëgjoj se #TreatWilliams vdiq sot, në rrugë. Treat ishte një djalë i bukur dhe i pëlqyer. Sa e tmerrshme është kjo”, u shpreh Sam Neill.
Wendell Pierce e kujtoi Williams si një njeri pasionant, aventurier, krijues: Në një periudhë të shkurtër kohe, ai u miqësua shpejt me mua dhe shpirti i tij aventurier ishte infektues. Ne punuam vetëm në 1 film së bashku, por herë pas here u lidhëm gjatë viteve. I sjellshëm dhe bujar me këshilla dhe mbështetje. RIP!
Top Channel