Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Nënkryetari i Kuvendit të Kosovës, Enver Hoxhaj ka mirëpritur draftin e propozuar nga kryeministri Edi Rama për Asocacionin e komunave me shumicë serbe në Kosovë.
Në një deklaratë për mediat, Hoxhaj u shpreh se vlerëson propozimin e kryeministrit shqiptar.
“E përshëndes dhe e çmoj shumë kontributin e kryeministrit Rama. Shqipëria ka pasur rol në të kaluarën, duhet të ketë rol edhe sot në tejkalimin e situatës në veri të vendit.
Së dyti, Asocacioni nuk është një shpikje e kryeministrit Rama, është një obligim nga viti 2013, për të cilin unë kam qenë që të zbatohet.
Së treti, Kurti e ka pranuar Asocacionin me pikën e shtatë, për një vetëmenaxhim dhe në pikëpamjen time, iniciativa e kryeministrit Rama duhet të ketë mbështetje në Kosovë”.
Kosova, shtoi deputeti i PDK-së, ndodhet në një fazë shumë kritike.
“Së pari, mendoj se Kosova është në një fazë shumë kritike. Ajo që po shihni në veri të vendit, nuk është fuqizim i sovranitetit të Kosovës, por dorëzim i sovranitetit. Prania e KFOR-it dhe roli i organizatave ndërkombëtare tregon se po kthehemi në një situatë që menduam se i përket të shkuarës. Ne si PDK jemi jashtëzakonisht të shqetësuar.
Mendoj që Kurti duhet t’u thoshte ‘po’ këtyre tri kërkesave që i kanë partnerët tanë amerikanë. Ky është qëndrimi im individual, pasi mendoj që çdo qytetar i Kosovës kërkon çtensionim të situatës”.
Top Channel
