Sylvinho nuk e grumbulloi as në nëntor, talenti shqiptar i sulmit mund të bëhet “Azzurr”: E prisja një ftesë nga Shqipëria, do e mendoj nëse Italia… 27/11 20:30
Se shpejti, xhubleta, veshja tradicionale shqiptare, do të jetë imazhi i çdo dokumenti që qytetarët apo institucionet e Malit të Zi, do të shkëmbejnë përmes postës kombëtare të këtij shteti.
Iniciativa e komunës se Tuzit, në kuadër të vitit 2023, që është konsideruar si viti i xhubletës, është pranuar edhe nga qeveria malazeze dhe në ditët në vijim, posta do të nxjerrë në qarkullim, pullën postale më imazh, pasurinë kombëtare të shqiptareve.
“Kemi kërkuar nga posta e Malit të Zi me xhubletën në mënyrë që ta përhapim këtë edhe në vende të tjera, jo vetëm në komunën tonë. Në këtë mënyrë t’i japim rëndësinë më të madhe të saj se çfarë është ajo, si trashëgimi kulturore e jona dhe tashmë e mbrojtur dhe nga UNESCO”, u shpreh Nik Gjeloshaj, kryetari i komunës Tuz.
Gjatë këtij viti, janë planifikuar një sere aktivitetesh në komunën e Tuzit për të cilën kjo veshje ka një rendësi më të veçantë, pasi e konsiderojnë si pjese të rëndësishme të identitetit të tyre si shqiptarë.
“Aktiviteti i parë ishte Stema të cilën e kemi inkorporuar në të gjitha dokumentet zyrtare të komunës së Tuzit. Pastaj punimi mural, iniciativa drejt postës së Malit të Zi për pullën postare, diçka që është iniciuar për herë të parë dhe është aprovuar, presim shumë shpejt që të publikohet”. Malazezët nuk kanë qenë të vetëdijshëm se çfarë pasurie ka në Mal të Zi”, u shpreh Marina Ujkaj Drejtoreshë e Vetëqeverisjes lokale të komunës së Tuzit.
7 korriku do të jetë një ditë feste dedikuar tërësisht Xhubletës, ku akademiket e Malit të Zi, Shqipërisë, Kosovës dhe Maqedonisë do të zhvillojnë një simpoziumi shkencor, ndërsa do të prezantohen edhe 15 veshjet tradicionale të Malësisë.
Top Channel
