Malësi e Madhe/ Kishte mbjellë bimë kanabis në tokë dhe kubikë, arrestohet 55-vjeçari i shpallur në kërkim
23/05/2023 09:46
Lajm i fundit/ Fredi Belerit i refuzohet rekursi 25/04 14:20
Një 55-vjeçar i cili ishte shpallur në kërkim, është vënë në pranga pasi dyshohet se ka kultivuar 6300 fidanë kanabis në tokë dhe 20 300 fidanë të tjerë në kubikë, të cilët u gjetën dhe u asgjësuan nga policia, 3 ditë më parë, gjatë kontrollit të territorit të fshatrave Gruemirë dhe Çesme, Malësi e Madhe.
55-vjeçari A. D. nga Malësia e Madhe ishte shpallur në kërkim gjatë fazës së dytë të megaoperacionit policor antikanabis të koduar “Alpe të pastra”, që u zhvillua 3 ditë më parë, në zbatim të planit operacional për kontrollin e territorit
Në bashkëpunim me Prokurorinë, vijojnë hetimet e thelluara për identifikimin dhe kapjen e shtetasve të tjerë të implikuar në këtë veprimtari kriminale.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
Top Channel
