Zbulohen detajet tronditëse rreth vdekjes së Liam Payne/ Këngëtari u hodh vetë nga ballkoni i hotelit, po përpiqej të arratisej nga… 25/11 16:24
Shkrimtari fantazmë që qëndron pas librit të Princit Harry ka zbuluar se ai e ka kritikuar familjen mbretërore për vite me radhë mbi një trillim që i referohej Princeshës Diana.
John Moehringer kujtoi se dyshja kishin një telefonatë në Zoom në orën 2 të mëngjesit për disa nga modifikimet e Harry-t për “Spare”, me një histori që shkaktoi një mosmarrëveshje të nxehtë, sipas Sky News.
Ai tha se kishte të bënte me një skenar gjatë stërvitjes ushtarake të princit, kur një person bëri një “hetim të poshtër” ndaj nënës së tij.
Në një artikull për The New Yorker , shkrimtari tha se ishte “i acaruar” me këmbënguljen e Harrit për ta lënë atë.
“Koka më rrihte, nofulla më ishte shtrënguar dhe po filloja të ngrija zërin”, kujton ai.
“Dhe megjithatë një pjesë e imja ishte ende në gjendje të dilte jashtë situatës dhe të mendonte, ‘kjo është kaq e çuditshme. Unë po i bërtas Princit Harry’. Pastaj, ndërsa Harry filloi të kthehej tek unë, ndërsa faqet e tij u skuqën dhe sytë iu ngushtuan…”
Ai tha se princi shpjegoi se donte që kjo të lihej për të treguar se ai ende “e kishte zgjuarsinë e tij” në një situatë kaq stresuese pasi gjatë gjithë jetës së tij “njerëzit i kishin nënçmuar aftësitë e tij intelektuale”.
“Spare” i publikuar në janar, dominoi titujt për ditë të tëra.
Harry zbuloi detaje nga jeta e tij personale që nuk ishin dëgjuar më parë, si përdorimi i kokainës apo grindjet me vëllanë e tij.
Top Channel
