Përdhunoi dhe torturoi deri në vdekje Marigona Osmanin, jepet dënimi përfundimtar për Dardan Krivaçën 27/02 20:30
Ky është një nga kontejnerët që të dielën do të kthehet në qendër të votimit. Këtë të shtunë janë duke u bërë përgatitjet e fundit për t’u funksionalizuar e kthyer në shërbim të votuesve të kësaj komune.
Që nga e premtja ky kontejnerë dhe 13 të tjerë që ndodhen në katër komunat veriore të vendit janë duke u mbikëqyrur nga Policia e Kosovës.
Këto 13 qendra alternative janë të vendosura nëpër rrugët nacionale dhe magjistrale në Leposaviq, Zvecan, Zubin Potok dhe Mitrovicë e Veriut.
Janë vetëm gjashtë qendra të zakonshme, kryesisht shkolla që do të hapen për votuesit në fshatrat e banuara me shqiptarë.
Numri i votuesve që pritet në këtë zgjedhje është rreth dy mijë pasi që serbët do to bojkotojnë votimin, mbi faktin se nuk ndihen të përfaqësuar e këto zgjedhje nuk organizohen nga Serbia.
“Nuk do të votoj, sepse këto nuk janë zgjedhje demokratike. Gjithcka që ndodhë është rreth i regjimit të Millosheviçit. Gjithcka që Millosheviç u ka bërë shqiptarëve tani, shqiptarët ua bëjnë serbëve.”
“Nuk do të votoj sepse nuk janë zgjedhje të Serbisë. Jetoj në Mitrovicë, por ata që kandidojnë nuk janë nën qeverisjen e Vuciç”
Përkundër tensioneve të ditëve të fundit në veri të Kosovës, pritet që e diela të jetë e qetë, por përshkallëzimi do të vijë pas procesit thonë njohësit.
Për përmbajtje dhe qetësi në ditën e zgjedhjeve ka bërë thirrje edhe Bashkimi Evropian duke shtuar që është koha e duhur që shqiptarët dhe serbët të gjejnë rrugën e pjesëmarrjes aktive në qeverisjen lokale.
Ndërkohë, presidentja e Kosovës ka bërë thirrje për dalje masive në zgjedhje duke u thënë serbëve që të refuzojnë shantazhin e frikësimin.
Më 23 prill votohet për kryetar të komunave në Zvecan, Leposaviç, Zubin Potok dhe Mitrovicë e Veriut.
Top Channel
