Nis prodhimi për makinën fluturuese, ja kur do të dalë në treg 16/12 10:48
Një diamant brenda diamantit është zbuluar sipas një kompanie në Surat të Indisë, një nga më të rrallët në historinë e këtyre gurëve.
V D Global e quajti gurin 0.329 karatësh “Zemra që rreh” dhe tha se ai përbëhet nga një diamant më i madh që mban brenda tij një diamant më të vogël i cili lëviz lirisht.
Guri në fakt është zbuluar tetorin e kaluar nga prodhuesi i diamanteve që operon nga Surati në Mumbai.
Ai tani, i është bashkuar një grupi të vogël diamantësh natyralë të ngjashëm, si për shembull diamanti Matrioshka i zbuluar në Siberi.
Autenticiteti i gurit u konfirmua përmes analizave, duke përdorur mikroskopë optikë.
“Unë nuk kam parë kurrë diçka të ngjashme me ‘Zemrën që rreh’ gjatë 30 viteve të mia në sektorin e diamanteve”, tha Samanta Sibley, nga grupi De Beers.
Në 2019, një tjetër diamant brenda diamantit u zbulua në Siberi. Guri 800 milionë vjeçar thuhej se është i paçmueshëm dhe i vetmi i këtij lloji në botë. I ashtuquajturi diamanti Matrioshka, i ngjason kukullave tradicionale ruse që futen brenda njëra-tjetrës.
Top Channel
