BE nuk heq masat ndaj Kosovës? Rekomandimi në “sirtar”, Stano: Duhet pajtim!
15/11 14:57
Kosova do të zhvendosë ambasadën e saj në Londër në një rezidencë, të cilën e ka blerë me vlerë 6.5 milionë funte.
Objekti ndodhet në Hyde Park dhe dikur ishte në pronësi të komedianit Spike Milligan. Përmes një mesazhi në Twitter, kryeministri Albin Kurti tregon arsyet pse vepruan në mënyrë të tillë.
Sipas Kurtit, pikësynimi i kësaj lëvizje është që të forcojnë lidhjet e Kosovës me Mbretërinë e Bashkuar.
”I emocionuar të ndaj që ambasada Kosovës në Mbretërinë e Bashkuar ka një adresë të re dhe së shpejti do të zhvendoset në Hyde Park në një shtëpi që i përkiste komedianit të ndjerë Spike Milligan.
Ne jemi të nderuar nga historia kulturore që mban lokacioni dhe synojmë të forcojmë më tej lidhjet tona me Mbretërinë e Bashkuar“, shkruan Kurti.
The Telegraph raportoi të hënën se prona e artit dhe artizanatit në Bayswater, është blerë nga Kosova pas një marrëveshjeje nga ambasadori Ilir Kapiti. Rezidenca, e cila është ndërtuar në vitet 1890, ka një sërë dhomash të mëdha në katin e parë, tavane të larta dhe ndodhet në një nga zonat më të kërkuara të ambasadave.
Stafi i ambasadës së Kosovës synon të zhvendoset në ndërtesë pasi të përfundojë rinovimi.
Excited to share that the 🇽🇰 embassy in 🇬🇧 has a new address and will soon be moving to Hyde Park at a home that belonged to the late comedian Spike Milligan. We are honored by the cultural history that the location holds and aim to further strengthen our 🇽🇰🇬🇧ties from there. pic.twitter.com/4rrzvIY3kx
— Albin Kurti (@albinkurti) April 11, 2023
Top Channel
