Luftimet në Lindjen e Mesme, 20 të vdekur në një spital pas sulmit izraelit, ministri ultimatum Netanyahut 19/05 10:10
Turqia është e shqetësuar se lufta do të intensifikohet në pranverë, megjithatë do të vazhdojë përpjekjet e saj për t’i dhënë fund konfliktit duke negociuar me Rusinë dhe Ukrainën.
Gjatë një konference të përbashkët me homologun rus Sergei Lavrov në Ankara, ministri i Jashtëm, Mevlut Cavusoglu ra dakord që të heqë pengesat me të cilat përballet eksporti i plehrave dhe drithërave të vendit për të zgjatur marrëveshjen e drithit të ndërmjetësuar nga OKB-ja në Detin e Zi.
“Ne i kushtojmë rëndësi vazhdimit të marrëveshjes… jo vetëm për eksportet e grurit dhe plehrave të Rusisë dhe Ukrainës, por edhe për ndalimin e krizës botërore të ushqimit”– tha zoti Cavusoglu, duke shtuar se: “Ne gjithashtu pajtohemi që pengesat për eksportin e grurit dhe plehrave ruse duhet të hiqen.”
Marrëveshja e rënë dakord korrikun e kaluar siguron kalimin e sigurt të anijeve pavarësisht një bllokade detare ruse të porteve të Ukrainës.
Muajin e kaluar, Rusia tha se do ta zgjaste marrëveshjen edhe për 60 ditë të tjera, pavarësisht se OKB-ja, Ukraina dhe Turqia po shtyjnë për një rikthim 120-ditor.
Top Channel
