Kosova rrit me 20 % pensionet, nga janari rritje edhe për kategoritë e luftës 07/10 15:25
Kryeministri i Kosovës, Albin Kurti ka zhvilluar një takim me ambasadorin e Bullgarisë në Kosovë, Hristo Gudjev dhe ambasadorin e Bullgarisë në Maqedoninë e Veriut, Angel Angelov, të cilët i falenderoi për mbështetjen e vazhdueshme të Bullgarisë ndaj Kosovës.
Siç u bë e ditur në komunikatë, Kurti informoi ambasadorët për punën e qeverisë, rezultatet në sundimin e ligjit, përmirësimet në indikatorët demokratikë dhe për progresin ekonomik, me theks te eksportet, që këtë vit për herë të parë pritet të kalojnë vlerën prej 1 miliard euro.
Gjatë takimit, u bisedua për marrëdhëniet e afërta ndërmjet Kosovës dhe Bullgarisë dhe për mundësitë e reja për thellimin e zgjerimin e tyre, sidomos në fushën e ekonomisë, shkëmbimit tregtar, atë të kulturës si dhe të mbrojtjes dhe sigurisë.
“Krahas zhvillimeve në rajon, u diskutua edhe për procesin e dialogut ndërmjet Kosovës dhe Serbisë, për Marrëveshjen Bazë të 27 shkurtit në Bruksel dhe aneksin e zbatimit të saj, sipas dakordimit të 18 marsit në Ohër, si dhe për takimin e djeshëm në Bruksel në nivel kryenegociatorësh, nën ndërmjetësimin e Bashkimit Evropian”– u bë e ditur në komunikatë, raporton KosovaPress.
Ambasadorët Gudjev dhe Angelov shprehën gatishmërinë e tyre për rritjen e bashkëpunimit dhe ndërveprimit mes Bullgarisë dhe Kosovës si dhe dhanë mbështetjen ndaj Kosovës në rrugën e saj euro-atlantike.
Top Channel
