SHBA dhe Koreja e Jugut dërgojnë mijëra trupa ushtarake për të praktikuar ‘sulmin’ në plazh

Uashingtoni dhe Seuli kanë treguar fuqinë e tyre të zjarrit përmes një numri në rritje stërvitjesh, të cilat të dy aleatët thonë se janë të natyrës mbrojtëse. Por të mërkurën në mëngjes, ata përdorën mijëra trupa dhe armatime të nivelit të lartë për të praktikuar një sulm amfib, një ofensivë manovrimi në natyrën e saj dhe e krijuar për të marrë territor, jo për ta mbrojtur atë.

Komandanti i 2200 marinsave amerikanë të përfshirë në stërvitjen Ssang Yong në Pohang në bregun jugor të Koresë së Jugut e quan si jo provokuese dhe se sipas tij nuk po bënin ndonjë gjë të çuditshme.

Stërvitja vuri në shfaqje të plotë fuqinë e zjarrit të integruar të forcave të SHBA-së dhe Koresë së Jugut. Marinsat e Seulit dolën të parët në breg në valët e automjeteve sulmuese amfibe 23 tonëshe, gjurmët e tyre duke lënë çarje të thellë në rërën e Pohangut. Ndërkohë “hovercraft” i madh i marinës amerikane, i njohur si LCACs, pasoi, duke shpërthyer automjete amfibe me tetë rrota me pseudonime si “Rooster”, “Cerberus” dhe “Ghost” në anët e tyre.

“Ky është 70 vjetori i këtij ushtrimi. Nuk është diçka e re,” tha komandanti, duke hedhur poshtë pretendimet e Phenianit se Uashingtoni dhe Seuli po provokojnë dhe e detyrojnë Korenë e Veriut të ndërtojë programin e saj bërthamor si parandalim.

Të martën, një aeroplanmbajtëse aktuale 98,000 tonësh e Marinës amerikane, po kryente operacione të saj jashtë gadishullit. Më afër plazhit Pohang, të paktën gjashtë anije detare të Koresë së Jugut mund të shiheshin në mbështetje, duke dërguar trupa në breg për stërvitjen Ssang Yong.

Ndërkohë, media shtetërore e Koresë së Veriut po publikonte fotografi të liderit Kim Jong Un duke inspektuar ato që pretendonte se ishin armë bërthamore dhe duke u bërë thirrje forcave të tij që të jenë në gjendje t’i përdorin ato “në çdo kohë dhe kudo”.

Top Channel