Zbulohen vajzat shqiptare eskorta në Dubai, avokati: Ja si funksionon ligji atje, strehonen VIP-a dhe 500 mijë punonjëse seksi 24/04 08:48
Një burrë rus do të dëbohet nga Indonezia pasi u zhvesh në majë të një mali të shenjtë në Bali.
Fotoja e tij duke pozuar me pantallonat rreth kyçeve të këmbës në malin Agung u bë virale javën e kaluar. Burri, i identifikuar vetëm si Yuri, ka kërkuar falje, por do të ndalohet të hyjë sërish në Indonezi për të paktën gjashtë muaj.
Bali ka shtuar kohët e fundit përpjekjet për të goditur turistët e huaj me sjellje të keqe. Mali Agung, pika më e lartë në ishull, besohet nga hindutë të jetë shtëpia e perëndive. Një zyrtar lokal tha se nuk kishte “asnjë justifikim” për sjelljen e tij.
“Ai shkeli normat dhe nuk tregoi respekt për kulturën tonë,” tha kreu i Zyrës së Ligjit dhe të Drejtave të Njeriut në Bali, Anggiat Napitupulu për The Jakarta Post.
Turisti tha: “Veprimi im nuk ka justifikim. E vetmja gjë që çoi në atë që ndodhi ishte injoranca ime personale”.
Më vonë ai mori pjesë në një ceremoni të veçantë pastrimi për malin – një ritual i mbajtur shpesh nga vendasit pas incidenteve të tilla. Shumë vendas në mediat sociale gjithashtu mbështetën deportimin e tij.
Pason incidente të tjera të ngjashme. Në fillim të këtij muaji, autoritetet thanë se planifikonin të ndalonin turistët e huaj të përdornin motoçikletat në Bali, pas një sërë rastesh që përfshinin njerëz që shkelnin ligjet e trafikut.
Top Channel
