Evropianët kujdesen më shumë për elefantët sesa për njerëzit, thotë presidenti i Botsvanës (fotot)
19/04 16:44
Parlamenti i Ugandës ka miratuar një nga legjislacionet më gjithëpërfshirës kundër LGBTQ+ në botë. Aktet e të njëjtit seks ishin tashmë të paligjshme në Ugandë, por të martën mbrëma, ligjvënësit votuan për ndalimin e identifikimit si LGBTQ.
Sipas mediave të huaja, ligjvënësit votuan me shumicë dërrmuese në favor të projektligjit të ri kundër homoseksualitetit, me vetëm dy nga afro 400 përfaqësuesit që votuan kundër tij.
“Urime”, tha kryetarja Anita Among. “Çfarëdo që po bëjmë, ne po e bëjmë për popullin e Ugandës”. Sakaq reagimi ndërkombëtar ka qenë i shpejtë.
Kombet e Bashkuara dhe SHBA-të kanë reaguar ndaj projekt-ligjit të vijës së ashpër të miratuar nga ligjvënësit në Ugandë që kriminalizon thjesht identifikimin si LGBTQ+, parashikon një dënim të përjetshëm për homoseksualët e dënuar dhe një dënim me vdekje për “homoseksualitetin e rënduar”, shkruan CNN.
Sekretari amerikan i Shtetit, Antony Blinken shkroi në Twitter se projektligji “do të minonte të drejtat themelore të njeriut të të gjithë ugandasve”.
Ai shtoi: “Ne i bëjmë thirrje qeverisë së Ugandës që të rishqyrtojë fuqimisht zbatimin e këtij legjislacioni”.
Ndërsa Komisioneri i Lartë i Kombeve të Bashkuara për të Drejtat e Njeriut Volker Türk e quajti atë një “zhvillim thellësisht shqetësues”.
“Nëse nënshkruhet në ligj nga presidenti, ai do t’i bëjë lesbiket, homoseksualët dhe biseksualët në Ugandë kriminelë thjesht sepse ekzistojnë, sepse janë ata që janë”, tha ai.
Uganda miratoi një ligj të mëparshëm kundër homoseksualitetit në vitin 2014, por gjykatat e hodhën poshtë atë për arsye procedurale. Presidenti i Ugandës Yoweri Museveni, i cili ka folur në mbështetje të legjislacionit, pritet ta nënshkruajë atë në ligj.
Top Channel
