Çfarë po ndodh me Andrew Tate dhe të vëllanë, pritet gjykimi në Rumani për trafikim 27/04 00:02
Një helikopter ushtarak është rrëzuar papritur dhe është përplasur në një zonë rezidenciale duke lënë katër të vdekur dje në Kolumbi.
Një video e postuar online tregon momentet e tmerrit kur mjeti i ushtrisë së Kolumbisë shihet të lëvizë në një spirale jashtë kontrolli para se të blerë përtokë duke ngritur një shtëllungë të madhe tymi të zi.
Momentet u regjistruan nga kalimtarë në qytezën e Quibdó nga banesat e tyre teksa dëgjohen ulërimat e tyre si reagim ndaj tragjedisë që shpalosej.
Presidenti i vendit Gustavo Petro, konfirmoi aksidentin duke thënë se grupet e emergjencës po shkonin në vendngjarje.
“Disa minuta më parë një helikopter i ushtrisë u rrëzua në Quibdó teksa kryente misione furnizimi”.
Pak më vonë president Petro konfirmoi se katër viktimat ishin vetëm në bordin e helikopterit, dy pilotë deh dy anëtarë ekuipazhi.
Një nga viktimat ishte Lejtenant Julieth García – një nga pilotet e para femra që kishin kompletuar kursin e pilotimit të helikopterit tip UN-1N.
Ajo humbi jetën bashkë me ushtarakët Hector Jerez, Johan Orozco dhe Ruben Leguizamon.
Ende nuk janë dhënë arsye nga ushtria për shkaqet e tragjedisë.
Modeli UN-1N “njihet si mjet i përshtatshëm për misionet e rëndësishme dhe emergjente sigurie”, shkruante rrjeti BluRadio.
Top Channel
