Përmbytje në Gjermani, situatë kritike në shumë zona! Scholz premton ndihma për banorët e prekur 19/05 09:28
Kina do të rifillojë lëshimin e vizave për turistët e huaj për herë të parë që nga shpërthimi i pandemisë Covid tre vjet më parë.
Lehtësimi i madh i kufizimeve vjen pasi Pekini shpalli fitoren ndaj virusit dhe u tërhoq nga një strategji zero-Covid që ka dëmtuar rëndë ekonominë e tij, duke shënuar një hap të madh drejt rifillimit të jetës normale në Kinën pas pandemisë.
Nga 15 marsi, zyrat e huaja mund të përpunojnë aplikimet për viza kineze. Hyrja pa viza do të rifillojë gjithashtu në ishullin Hainan dhe Shangai për anijet turistike. Qytetarët kinezë gjithashtu do të lejohen të udhëtojnë me grupe turistike në 60 vende, nga 20 që ishin më parë.
Dhjetëra miliona vizitorë ndërkombëtarë erdhën në Kinë çdo vit para pandemisë dhe industria e saj e turizmit është goditur rëndë nga masat e rrepta anti-Covid. Por vendi mund të presë një rritje të konsiderueshme të mbërritjeve ndërkombëtare, pasi të rihapë kufijtë, thonë analistët.
Kina tha se produkti i saj i brendshëm bruto u rrit vetëm 3% në 2022, më i keqi në gati gjysmë shekulli. Për vitin aktual, Pekini ka vendosur një objektiv prej 5% me Kryeministrin e ri Li Qiang duke thënë se ekonomia e dytë më e madhe në botë po stabilizohet dhe po rritet përsëri.
Politika zero-Covid që u hoq në dhjetor ndezi protesta të rralla kundër liderit të Kinës, Xi Jinping. Që atëherë ai ka forcuar kontrollin e tij mbi pushtetin në Partinë Komuniste dhe ka siguruar një mandat të tretë rekord si president.
Top Channel
