Selena Gomez ka kryer gjashtë muaj kurs të gjuhës spanjolle? Arsyeja do t’ju mahnisë 23/11 22:09
Dhjetëra mijëra njerëz kanë nënshkruar një peticion për të hequr aktorin nga Hong Kongu, Donnie Yen, si prezantues i çmimeve Oscar, për shkak të mbështetjes së tij për qeverinë kineze.
Peticioni – i ngritur nga aktivisti i njohur i Hong Kongut Tong Wai-hung – pretendon se ftesa e Akademisë për Yen tregon “përçmim për njerëzit e Hong Kongut” dhe prania e tij do të dëmtojë imazhin dhe reputacionin e industrisë së filmit. Ka më shumë se 84,000 nënshkrime.
Yen është një yll i njohur globalisht i aksionit, i cili kohët e fundit shkaktoi polemika për një intervistë në të cilën ai i quajti protestat një trazirë.
59-vjeçari është më i njohur për filmat Ip Man, një serial i Hong Kongut i bazuar në një mjeshtër të arteve marciale, i cili ka fituar më shumë se 400 milionë dollarë në arkat botërore. Ai do të shfaqet së bashku me Keanu Reeves në filmin hollivudian John Wick 4.
Të enjten e kaluar, Yen u emërua si prezantues për çmimet e 95-të të Academy Awards, që do të mbahet në Los Angeles të dielën.
I lindur në Guangzhou, Kinë, Yen u rrit në Hong Kong dhe u transferua në SHBA në moshën 11-vjeçare. Ai fitoi nënshtetësinë amerikane, por më vonë hoqi dorë nga ajo.
Protestat fillimisht u nxitën nga planet për të lejuar ekstradimin e të dyshuarve për krime në territorin e Kinës, përpara se të shndërroheshin në një lëvizje më të gjerë antiqeveritare.
“Nuk ishte një protestë, në rregull, ishte një trazirë. Unë nuk do të jem këtu duke folur se si të ndryshoj mënyrën se si njerëzit ndihen për të,” tha Yen.
“Shumë njerëz mund të mos jenë të lumtur për atë që po them, por unë po flas nga përvojën time”, shtoi ai.
Yen pohoi gjithashtu se mediat perëndimore si BBC dhe CNN fokusohen vetëm në “historitë negative” për Kinën.
Top Channel
