Mediat: Ligji i ri i ‘krimeve te urrejtjes’ shkakton zemërim mes irlandezëve (fotot) 17/06 17:50
Zjarrfikësit indianë po përpiqen të shuajnë një zjarr në një fabrikë mbeturinash që ka çuar në një mbulesë tymi toksik mbi shumë zona në qytetin Kochi në shtetin Kerala.
Zjarri filloi javën e kaluar në një impiant lokal të menaxhimit të mbetjeve, i cili përpunon tonelata mbetjesh çdo ditë.
Banorët janë këshilluar të qëndrojnë brenda dhe të përdorin maska N-95 nëse dalin jashtë. Autoritetet lokale kanë njoftuar gjithashtu se shkollat do të mbyllen për fëmijët më të vegjël.
Qeveria e shtetit tha të dielën se zjarri ishte nën kontroll dhe do të shuhej së shpejti.
Zjarret shpesh raportohen në deponi masive në shumë pjesë të Indisë, kryesisht për shkak të metanit të krijuar gjatë dekompozimit të mbetjeve. Zyrtarët thonë se zjarret janë të zakonshme në këtë kohë të vitit për shkak të nxehtësisë ekstreme.
Fabrika e mbetjeve në Brahmapuram, e vendosur pranë qytetit Kochi, është e njohur për grumbullimet masive të mbeturinave në ambientet e saj. Fabrika është në pronësi dhe operuar nga autoritetet e qytetit Kochi.
Vendasit kanë protestuar më herët kundër zjarreve dhe rrezikut të supozuar për shëndetin e shkaktuar nga djegia e plastikës.
Nuk është ende e qartë se çfarë çoi në zjarrin e fundit. Një zjarrfikës i tha Press Trust of India se shtresat e plastikës ishin ngrohur nën tufat e mbeturinave, duke vonuar operacionin.
Tymi i krijuar nga zjarri ka shkaktuar edhe të përziera dhe marramendje te zjarrfikësit.
Zonja George tha se administrata kishte bërë rregullime në të gjitha spitalet e qytetit për të trajtuar pacientët, por shtoi se deri më tani nuk ishte raportuar ndonjë çështje të rëndë.
Top Channel
