Ligjvënësit izraelitë të vijës së ashpër kritikojnë thirrjet e nënpresidentes Harris për armëpushim 26/07 22:15
Ministri rus i Mbrojtjes Sergei Shoigu ka vizituar qytetin e shkatërruar nga lufta të Mariupolit në Ukrainën jugore, një vit pasi forcat e ruse rrethuan qytetin, duke e rrafshuar atë.
Vizita e tij vjen ndërsa forcat ruse po i afrohen Bakhmutit, një qytet në Ukrainën lindore që është kthyer në skenën e betejës më të gjatë të ndërhyrjes së Rusisë në Ukrainë.
Shoigu, një nga zyrtarët e rangut më të lartë që vizitoi Ukrainën lindore, kishte vizituar qytetin port të shkatërruar për të mbikëqyrur përpjekjet e rindërtimit.
Shoigu “inspektoi punën e kryer nga ministria e mbrojtjes për të rivendosur infrastrukturën në Donbas,” tha ministria e mbrojtjes së Rusisë.
Ai vizitoi një qendër mjekësore të ndërtuar nga ushtria, një qendër dispeçeri të ministrisë së situatave emergjente si dhe një lagje të sapondërtuar me një duzinë ndërtesash banimi pesëkatëshe.
Rusia nisi një fushatë kundër Mariupolit në fillim të sulmit të saj vitin e kaluar, duke shkatërruar uzinën e çelikut Azovstal, e cila ishte streha e fundit e forcave të Ukrainës në qytet.
përfaqësuesit e opozitës ruse që punojnë me shefin e opozitës së burgosur Alexei Navalny kanë raportuar se zyrtarët e ministrisë së mbrojtjes po përfitojnë personalisht nga procesi i rindërtimit në Mariupol.
Përpjekjet e Rusisë për të pushtuar Bakhmutin janë udhëhequr në terren nga grupi mercenar rus Ëagner.
Analistët thonë se edhe pse Bakhmut është një nga betejat më të përgjakshme të luftës, çdo kapje e qytetit të minierave të kripës nga Rusia do t’i ofronte Moskës pak avantazh strategjik shtesë në Donbas.
Top Channel
