Selinë e demokrateve me Gjykatën e Apelit i ndajnë pak metra, por edhe pse aty po vendosej fati i tij politik, Sali Berisha zgjodhi te marshojë drejt një tjetër godine, asaj të Kryeministrisë.
Prej ditësh Berisha ka mohuar se ka thirrur protestë për vulën, po ishte aleati i tij që e “tradhëtoi” i pari kur zbuloi qëllimin e tubimit ne shesh.
“Jemi këtu së këtij te marri si mjafton qe uzurpoi PS-në dhe tani kërkon te marri edhe vulën e PD”– tha Ilir Meta
Edhe Sali Berisha u duk se kishte me shume mendjen tek gjyqi vulës se tek protesta, të cilën e mbylli me shpejt sesa e thirri pa pritur vendimin e drejtësisë.
“ Sot, pasi asgjësoi PS-në, i hoqi të drejtat, votën dhe çdo gjë. E uzurpoi me sektin antishqiptar të Rilindjes, ai kërkon të asgjësojë PD-në. Mendon dhe beson se do na përjashtojë nga zgjedhjet. Edi Rama, ne do të përjashtojmë nga Shqipëria!”- tha Berisha sot në miting.
Mesazhin e fundit Sali Berisha e dha nga shkallët e selisë, ku Top Channel i kërkoi një koment për audio-përgjimin e 21 janarit.
“Ishte totalisht falsitet, është vepër Ardi Veliut”- tha Berisha
Ndryshe nga Berisha që nxitoi për në zyrë, protestuesit treguan se kishin plane të tjera. Janë në kërkim të një kryeministri të ri, dhe për këtë arsye i vunë flakën një dordoleci te cilit i kishin vënë fytyrën e Edi Ramës. Pak metra me tutje dikush tjetër kishte menduar dhe për pasuesin e tij, që sipas tyre ndodhet në Shtëpinë e Big Brother.
Top Channel
