Jetoi 5 vite me dhimbje pas lindjes, gruaja kërkon përgjegjësi nga mjekët pasi në trup iu gjet një pincë

Harshina, 31 vjeç, tha se ajo jetoi me dhimbje të padurueshme në stomak për vite me radhë, deri sa një skanim i vitit të kaluar tregoi se një palë pinca i kishin mbetur brenda trupit të saj gjatë një operacioni.

“Nuk mund ta përshkruaj dhimbjen që kam vuajtur për pesë vjet”, tha Harshina për BBC.

“Kur u ankova, mjekët më thanë se ishte për shkak se bëra një operacion të tretë cezarian”, thotë ajo.

Procesi i përpjekjes për të gjurmuar burimin e dhimbjes i shkaktoi gjithashtu një dëmtim mendor dhe financiar.

Rasti i Harshinës kishte marrë vëmendjen e titujve kombëtarë vitin e kaluar. Vetëm në shtator 2022, kur ajo kishte bërë analiza për një infeksion të fshikëzës urinare, ajo zbuloi se cili ishte problemi – një skanim tregoi se kishte një copë metali brenda.

Metali doli të ishte një palë pincë – 6.1 cm e gjatë dhe 5 cm e gjerë – e përdorur nga mjekët për të shtypur enët e gjakderdhjes gjatë operacioneve. Ajo iu nënshtrua një operacioni tjetër për ta hequr.

Harshina u ankua te ministrja shtetërore e shëndetësisë Veena George. Spitali i Kolegjit Mjekësor Qeveritar Kozhikode kreu gjithashtu një hetim të brendshëm.

Spitali tha se asnjë nga pajisjet e tij kirurgjikale nuk ishte zhdukur. Hetimi i departamentit të shëndetësisë gjithashtu nuk arriti të gjejë përgjegjësin. Një hetim i veçantë qeveritar nuk ishte në gjendje të gjurmonte origjinën e pincës.

Në fillim të kësaj jave, Harshina hyri në një grevë urie jashtë spitalit, duke kërkuar që qeveria e shtetit të marrë masa ndaj përgjegjësve.

“Unë do të ulem në grevë derisa të kem drejtësi”, thotë ajo.

Top Channel