Garë me kohën në Venezuelë, ekipet e emergjencës vijojnë kërkimet nën rrënoja teksa raportohet për 50 mijë të humbur 26/06 10:22
Skema e ngjyrave
Madhësia e shkrimit
Vladimir Putin siguroi deri dhe ndryshime kushtetuese për të zgjatur qëndrimin në pushtet, ndaj dhe shkaktoi mjaft habi deklarata e fundit e zëdhënësit të Kremlinit, Dmitry Peskov, sipas të cilit, kreu i shtetit rus ende nuk e ka vendosur nëse do të garojë sërish në zgjedhjet presidenciale që pritet të mbahen më 2024.
“Putin nuk është në atmosferë fushate, pasi aktualisht është shumë i zënë. Nuk e kemi dëgjuar të thotë nëse do të garojë apo jo. Kjo nënkupton se është ende herët”, u shpreh Peskov.
Putin ka shërbyer që prej 1999-tës si kryeministër e si president i Rusisë dhe për shkak të ndryshimit të Kushtetutës së vendit, atij i mundësohet gara edhe vitin e ardhshëm. Deri më tani, ai ka zgjedhur përgjithësisht praktikën që kandidimin ta njoftojë pak para zgjedhjeve, edhe pse synimi i tij për pushtetin, nuk përbën një sekret.
Spostimi i vëmendjes tek zgjedhjet, erdhi në kohën kur ish-presidentit rus Dimitri Medvedev paralajmëroi për një apokalips bërthamor si pasojë e furnizimit të vazhdueshëm me armë të Ukrainës.
“Dërgimi i armëve mund të vazhdojë, por kështu do të parandalohet çdo mundësi për rifillimin e negociatave”, tha Medeved, aktualisht nënkryetar i Këshillit të Sigurisë Kombëtare.
“Armiqtë tanë po bëjnë pikërisht këtë dhe nuk duan ta kuptojnë se qëllimet e tyre me siguri do të rezultojnë në një fiasko totale. Një humbje për të gjithë. Një kolaps, një apokalips. Ku me shekuj njerëzit do të harrojnë jetën e tyre të dikurshme, derisa rrënojat dhe mbeturinat të pushojnë së rrezatuari”, ishte paralajmërimi i tij.
Top Channel
