Pushtimi i Ukrainës, Rusia publikon shifrat: Kemi humbur mbi 779 mijë trupa që nga fillimi i luftës 25/12 16:34
Në pamje shihen momentet kur gjashtë turistë plagosen pasi makina e tyre e ekskursionit natyror përmbyset në një pellg teksa përpiqeshin të sprapseshin nga dy rinocerontë që mësynin drejt tyre.
Pamjet tregojnë dy bishat e mëdha që dalin nga bimësia në rrugën e parkut Jaldapara në rajonin indian të West Bengal, teksa vizitorët u bënin foto nga pjesa e prapme e mjetit.
Por guida e tyre nis të ecë me shpejtësi teksa kafshët e tërbuara mësynin drejt tyre me brirët e mprehtë të turirit.
Turistët shihen që nisin të ulërasin para se makina ‘fuoristradë’ të përmbysen në anë të rrugës me pasagjerët e bllokuar brenda saj.
Dy rinocerontët e zemëruar shihet që e ndjekin mjetin e rrëzuar.
Gjashtë njerëz u plagosën në incident dhe u trajtuan në qendrën mjekësore të Madarihat shkruan rrjeti vendas News 18.
Pas incidentit, Akash Deep Badhawan, i shërbimeve pyjore indiane tha se do të shtohen masat e sigurisë në ekskursionet e natyrës.
“Është koha të përfshihen udhëzime shpëtimi e sigurie në ekskursionet në botën e egër teksa gjithnjë e më shumë njerëz i preferojnë ato!”
Jaldapara është një park kombëtar tropikal rrëzë maleve lindore të Himalajeve, dhe strehon një numër të madh rinocerontësh të rrezikuar me një bri, si dhe elefantë aziatikë.
Top Channel
