Policia ka dhënë detaje të tjera për aksidentin e mbrëmshëm në rrugën Ferizaj Shtime.
Sipas informacioneve drejtuesi i njërës prej veturave ka humbur kontrollin mbi mjetin dhe ka goditur dy veturat që vinin nga drejtimi i kundërt.
“Ka ndodhur aksident trafiku në mes të tri veturave me targa vendore, deri te aksidenti dyshohet se ka ardhur kur drejtuesi i njërës nga veturat për arsye deri më tani të pa njohura, humb kontrollin mbi veturë dhe godet dy veturat tjera të cilat ishin duke lëvizur në drejtim të kundërt“, thuhet në komunikate.
Për viktimat sqarohet se tre kanë vdekur në vend të ngjarjes dhe një në emergjencën e Ferizajt, derisa dy të lënduarit janë duke marrë trajtim në QKUK.
“Nga ekipi mjekësor në vendin e ngjarjes është konstatuar se tre viktima meshkuj kosovarë janë pa shenja jete, ndërsa tre të lënduar tjerë janë dërguar në emergjencën e Ferizajt, ku më pas ka ndërruar jetë edhe viktima e katërt mashkull kosovar ndërsa dy të lënduarit e tjerë janë dërguar në QKUK Prishtinë për tretman të mëtutjeshëm mjekësor. Në vendin e ngjarjes ka dalë edhe prokurori i shtetit.”
Në mjekim intensiv është gruaja shtatzënë e lënduar në aksidentin e mbrëmshëm. Sipas mjekut që po e trajton Mentor Alimusa, gjendja e saj është kritike dhe ka lëndime të shumta. Sa i përket bebes gjendja është e mirë dhe pas ekzaminimit të gjinekologut është kontaktuar se është në gjendje stabile.
Top Channel
