Bosi i mafies bën dasmë tek kisha ku u varros armiku numër 1 i tyre, gjyqtari Falcone! Reagon prifti: Nuk e dinim që..
25/04 10:45
Një grua e moshuar qan mes rrënojave, duke pritur që të kuptojë nëse mbesat dhe nipërit e saj që kanë mbetur nën rrënoja janë ende gjallë.
Disa fqinjë po përpiqen ta ngushëllojnë duke i thënë: “Ata shpëtuan një person pak minuta më parë, do të shpëtojnë edhe familjen tuaj”.
Ajo nuk ka shumë shpresa, pasi familja e saj jetonte në katin e parë të pallatit 12-katësh.
“Ishin në katin e parë, duke fjetur, nuk e di nëse dikush mund t’i arrijë… dhe është shumë ftohtë, foshnjat e mia do të ngrijnë nën rrënoja”, thotë ajo.
Dhe krejt papritur, dëgjohen zhurma dhe turma duartroket. Ata gjejnë dikë nën rrënoja. Nuk janë të afërmit e saj, por megjithatë ajo është e lumtur që dikush shpëtoi. Por shumë shpejt konfirmohen të vdekur dhe një heshtje e thellë dominon vendin.
Është ftohtë, bie shi dhe për shkak të lëkundjeve të vazhdueshme, askush nuk mund t’i afrohet shtëpive të tyre. Edhe pse u larguan nga shtëpia në mes të natës me nxitim… ata kanë shumë frikë të kthehen në shtëpi për të marrë xhaketa dhe këpucë, sipas CNN.
Top Channel
