100 vjetori i Jup Kastratit, përkujtohet vepra e profesorit, autor i 40 librave
15/04 20:00
Teatri i Operas dhe Baletit çel sezonin artistik për muajin e dashurisë.
Teatri Kombëtar i Operas dhe Baletit ka shpallur kalendarin artistik për muajin shkurt me një larmishmëri shfaqjesh, duke çelur kështu sezonin artistik të operas dhe baletit.
Koreografët e njohur Enada Hoxha dhe Gerd Vaso do të sjellin premierën e “Antikitetit modern” në datat 4 dhe 5 shkurt, duke e kthyer publikun në botën e Puccinella-s së Stravinsky-t. Më 9 Shkurt të gjithë artdashësit do të mund të ndjekin shfaqjen teatrale të kryeveprës së Shekspir “Romeo e Juliet” nën regjinë e Sakir Gurzumar dhe protagonist Jona Hoxha e Xhenan Syjavej.
Talentet e reja do të kenë gjithashtu mundësinë të ngjiten në skenën e dashur të Teatrit të Operas dhe Baletit me “Upfest 23” me regjinë e Adriel Braho në datën 10 Shkurt.
Në ditën e të dashuruarve, orkestra simfonike e TKOB-së do të sjellë koncertin vokal “O dolci baci”, shfaqje e cila do të pasohet nga koncerti i ansamblit popullor “Shqipëria ime” më datë 16 shkurt.
Salla e Teatrit do të mirëpresë për 4 ditë rresht, të gjithë vogëlushët në operan “La serva padrona” nën dirigjimin e Dritan Lumshi nga data 22 deri më datën 25 shkurt.
Sopranoja e shquar shqiptare, Inva Mula do të mbyllë sezonin artistik për muajin shkurt në datat 25 deri më 28, me produksionin më të ri “Karnavalet e Korçës.
Top Channel
