Burri vdes dy ditë pas bashkëshortes pasi reklama 1 tonëshe iu shemb mbi makinë në SHBA (fotot)

30/01/2023 18:51

Bashkëshorti i një gjysheje 72-vjeçare që u shtyp për vdekje nga një reklamë restoranti 1180 kg e rëndë në SHBA, ka vdekur edhe ai nga plagët që kishte marrë në incidentin e tmerrshëm.

Lloyd Curtis, 77 vjeç, vdiq dy ditë pas bashkëshortes së tij së 50 viteve Lillian Mae Curtis, e cila pësoi plagë të rënda në kokë kur reklama gjigante ra mbi makinën e tyre në një parking në Kentucky, njofton rrjeti vendas KVUE.

Çifti tragjik kishin shkuar për të ngrënë në restorant bashkë me bijën e tyre Mary Graham, 58 vjeçe, pasi kishin marrë Lloyd Curtis që doli nga spitali në Louisville pas një operacioni, kur ndodhi tragjedia e shembjes së reklamës mbi makinën e tyre, sipas raportimeve prej një goditjeje të papritur ere.

Lillian, e cila ishte ulur në sediljen e pasme, kishte pësuar plagë “katastrofike” në kokë dhe nuk mund të operohej, tha për mediat mbesa e çiftit Mary Howard.

“Doktorët thanë se ishte e menjëhershme dhe se trupi i saj nuk ka ndjerë dhimbje”, tha Howard.

Ndërsa e bija Mary Graham pësoi disa thyerje në brinjë dhe gërvishtje, por ka dalë tashmë nga spitali.

Autopsia do të përcaktojë nëse vdekja e Lloyd Curtis ka ardhur nga plagët e incidentit, njoftonte mjekësia ligjore.

Policia tha se po heton nëse moti me erë i kohës së incidentit ka kontribuar në rënien e reklamës nga baza e saj.

Lillian e Lloyd Curtis iu dha lamtumira në një funeral të përbashkët të premten.

“Shpresoj që të jesh dujke kërcyer në qiell me gjyshen,” shkruante mbesa e tyre Amy Nichols në një homash Facebook. “Gjyshen time e donin shumë njerëz dhe humbja e saj ka lënë një vrimë të madhe boshe te ne”, shtonte ajo.

FOTO GALERI
1/5
72-vjeçarja u shtyp për vdekje nga një reklamë restoranti 1180kg e rëndë në SHBA

Top Channel