Eric Finkelstein, 34 vjeç, nga New York-u ka vendosur një rekord botëror për të ngrënë në  restorantet me më shumë yje në Michelin në një ditë të vetme.

Konsulentit të IT-së së kujdesit shëndetësor iu deshën 14 muaj për të planifikuar arritjen e tij të çuditshme, jo më pak për shkak se atij iu desh të siguronte rezervimet.

Ai fillimisht kontaktoi më shumë se 80 restorante, ndërsa konsumoi në 18 prej tyre.

“Planifikimi ishte më shumë se gjysma e sfidës, vetëm për t’i bërë restorantet të pranonin ta bënin atë dhe më pas gjetja e një rruge logjike që funksionoi”, tha ai.

Ideja, e cila muajin e kaluar u njoh zyrtarisht nga Guinness World Records (GWR), i erdhi gjatë pandemisë, kur u largua nga qyteti.

Duke pasur dy rekorde të tjera botërore, të dyja të lidhura me pingpongun, një sport në të cilin ai më parë konkurronte, interesimi i tij u ndez menjëherë.

Fatura e përgjithshme arriti në 494 dollarë, pa përfshirë taksat dhe bakshish. Finkelstein vlerësoi se arriti në rreth 5000 kalori dhe u përfundua në 11 orë.

Top Channel