40 gola në 8 ndeshje të Champions! Bayerni, Interi dhe Barcelona rrëmbejnë tre pikët, City shtanget nga Feyenoord (Rezultatet dhe Renditja) 26/11 23:02
Pas triumfit në Kupën e Botës me Argjentinën, debati se cili është më i miri i historisë së futbollit mes Lionel Messit dhe Diego Armando Maradonës është bërë edhe më i nxehtë.
Tashmë, peshorja duket sikur anon më shumë nga “pleshti” ndërsa një tjetër personazh që rreshtohet në krah të yllit të PSG është ish-trajneri i albicelesteve në vitin 2018, Jorge Sampaoli. Ky i fundit theksoi se aspekti që e avantazhon Messin në krahasim me Maradonën është vazhdimësia.
“Bëhet fjalë për dy lojtarë në epoka të ndryshme. Në epokën e tij, Maradona ishte një lojtar që vendoste çdo ndeshje që luante, por nuk pati vazhdimësi. Messi qëndroi më gjatë në majë dhe tashmë fitoi një Kupë Bote në moshën 35-vjeçare, duke u shndërruar edhe në golashënuesin më të mirë për Argjentinën në Botëror. Kjo për mua e shndërron Messin në më të mirin e historisë, ai bën diferencën në mënyrë konstante”, u shpreh Sampaoli.
Top Channel
