Presidenti izraelit: Marrëveshja e armëpushimit me Libanin duhet të garantojë siguri për banorët e Izraelit verior 26/11 22:47
Fëmijët në SHBA po shohin një “shpërthim” të anomalive gjinore dhe të rekomandimeve të hormoneve të pubertetit nga mjekët, të cilat raportohen se janë dyfishuar vitet e fundit, shkruan rrjeti britanik Daily Mail.
Mjekimet e njohura si “bllokues puberteti” për nën-18 vjecarët janë dyfishuar në vitet 2017 deri në 2021, siç qëndron dhe shifra e terapisë së hormoneve.
Patrick Brown, studies etike në universitetin mjekësor Uashington, tha për rrjetin DailyMail.com se të dhënat tregojnë se ka rritje të konsiderueshme të fëmijëve që po u jepet ky lloj trajtimi.
Sipas raportimeve nga sigurimet shëndetësore numri i kirurgjive të lidhura me gjininë te të miturit është rritur 13-fish në SHBA dekadën e fundit.
Debati për kufizime të mundshme në trajtimet mjeksore për gjininë e fëmijëve është intensifikuar muajt e fundit teksa gjithnjë e më shumë prej tyre pendohen për procedurat e pakthyeshme të ndryshimit të gjinisë duke pretenduar se sugjerimet nuk ishin të bazuara në opinione të shëndosha, por të sugjeruara në shkolla e institucione shëndetësore.
Të dhënat e fundit vijnë nga rrjeti analitik Komodo Health, që monitoron klinikat private e publike në SHBA.
Shifrat tregojnë se 1,390 receta doktorësh janë dhënë trajtime hormonesh për fëmijë nga gjashtë deri në 15 në SHBA vetëm në vitin 2021.
Kjo është dyfishi i 633 pretendimeve të regjistruara pesë vjet më herët në 2017.
Mjekimet e ‘bllokimit të pubertetit’ për të cilat bëhet fjalë, ndalojnë shfaqjen e karakteristikave dytësore seksuale te fëmijët, siç janë për djemtë qimet në fytyrë ose thellimi i zërit.
Disa doktorë thonë se duhet të lejohet më shumë kohë që “pacientët” fëmijë të vendosin për nisjen e trajtimit të ndryshimit të gjinisë, derisa trupi të maturohet në seksin me të cilin dikush pretendon se nuk përputhet me identitetin e tyre seksual, sipas teorisë së trajtimeve gjinore në SHBA.
Ndërsa për terapinë e hormoneve — e cila nxit shfaqjen e karakteristike dytësore seksuale për gjininë e dëshiruar — janë bërë 4,231 trajtime në vitin 2021 në krahasim me 1,905 në vitin 2017.
Shteti i New York rezultonte me një katërfishim të këtyre shifrave në vitet e fundit, ndërsa Kalifornia, dyfish.
Shirat e Komodo Health tregonin se kirurgjitë e gjinisë (të cilat paguhen tërësisht nga sigurimet në SHBA) për fëmijët 13 deri 17-vjeç — përfshi dhe heqjen e gjinjve te femrat — ishin gjithashtu në rritje edhe pse me përmasa më të vogla.
238 kirurgji të tilla ishin kryer në 2019 krahasuar me 282 dy vjet më vonë — ose rreth 20 përqind më shumë./Daily Mail//
Top Channel
