Drejtonte kartelet që kërcënuan princeshën e Holandës, Spanja liron “aksidentalisht” bosin e drogës 23/04 22:54
Talibanët kanë pranuar publikisht kryerjen e një ekzekutimi, që nga kthimi i tyre në pushtet në Afganistan vitin e kaluar, disa javë pasi kryministri lëshoi dekretin.
Një zëdhënës i talebanëve tha se një burrë u var në një stadium të mbushur me njerëz në provincën jugperëndimore Farah pasi ai pranoi vrasjen.
Sipas zëdhënësit Zabihullah Mujahid, ekzekutimi u ndoq nga disa gjyqtarë të Gjykatës së Lartë, personel ushtarak dhe ministra të lartë, ndërsa udhëheqësi suprem i talebanëve Haibatullah Akhundzada, nuk mori pjesë.
“Kërkohet nga të gjithë qytetarët të na bashkohen në fushën e sportit”, thuhet një njoftimin publik të lëshuar para ekzekutimit.
Sipas talebanëve i ekzekutuari kishte goditur me thikë një burrë të quajtur rreth pesë vjet më parë.
“Talibanët erdhën tek unë dhe më lutën që ta fal këtë të pafe. Ata insistojnë që ta fal këtë njeri për hir të Zotit, por unë u thashë se ky njeri duhet të ekzekutohet dhe të varroset njësoj siç bëri me djalin tim”, tha nëna e të viktimës për BBC.
“Ky mund të jetë një mësim për njerëzit e tjerë. Nëse nuk e ekzekutoni, ai do të kryejë krime të tjera në të ardhmen”, shtoi ajo.
Aktualisht, asnjë vend nuk e ka njohur qeverinë e tyre të re dhe Banka Botërore ka mbajtur rreth 600 milion dollarë, pasi talebanët ndaluan vajzat të kthehen në shkollat e mesme, ndërsa liria e tyre është frenuar rëndë dhe janë rrahur ato që kanë kërkuar të drejtat.
SHBA ka ngrirë gjithashtu miliarda dollarë të mbajtura nga banka qendrore e Afganistanit në llogaritë në mbarë botën.
Top Channel
