Franca dhe Gjermania i përgjigjen “dhëmbë për dhëmbë” Putinit: Ukraina duhet të lejohet t’i godasë caqet brenda Rusisë 28/05 22:24
Një cisternë nafte në pronësi të një miliarderi izraelit është goditur nga një dron me bombë në brigjet e Omanit, Azi, ka thënë një zyrtar.
Anija lundronte nën menaxhimin e kompanisë ‘Eastern Pacific Shipping’ me bazë në Singapor dhe është në pronësi të Idan Ofer, një miliarder izraelit. Kompania tha se anija mbante naftë gazi dhe vetëm dëme të vogla u raportuan, pa derdhje të ngarkesës ose lëndime midis ekuipazhit.
Operacionet e Tregtisë Detare të Mbretërisë së Bashkuar, një organizatë ushtarake britanike që monitoron anijet në rajon, tha se ishte në dijeni të incidentit, i cili po hetohet.
Anija u nis nga Sohari të hënën pasdite me destinacion Buenos Aires.
Sulmi vjen në një kohë të tensioneve të rritura me Iranin dhe përpara Kupës së Botës në Katar.
Askush nuk e ka marrë përgjegjësinë për sulmin, por Teherani dhe Izraeli janë përfshirë në një luftë shumëvjeçare brenda tensioneve më të gjera në Lindjen e Mesme. Gjithashtu thuhet se i ka ofruar Rusisë drone për t’i përdorur në luftën e saj kundër Ukrainës.
Media shtetërore iraniane nuk ka komentuar.
Top Channel
