Akuzohet për marrje ryshfeti, ligjvënësi Cuellar: Do vazhdoj fushatën për një mandat tjetër 04/05 22:16
Ylli Mera është gjetur i pajetë nga autoritetet greke, pas disa ditësh që nga zhdukja e tij.
51-vjeçari ishte në kërkim prej një nëntorit, pasi ishte zhdukur gjatë kohës që ka ikur për të punuar në zonën e Arethousa të Selanikut.
Trupi i tij u gjet në një zonë pyjore të Arethousa-s, ku kishte shkuar me kolegun e tij grek për prerjen e drunjve.
Sipas informacioneve, Ylli Mera u plagos për vdekje me sharrë elektrike, ndërsa 59-vjeçari menjëherë pas ngjarjes është larguar.
Mediat e huaja shkruajnë se greku e ka lënë të plagosur me gjakderdhje 51-vjeçarin dhe është larguar nga vendi i ngjarjes me ndihmën e të birit.
Pasditen e djeshme u zbulua se e kishte lënë të mbuluar me gjak kolegun, por rrëfeu se ishte një aksident.
Mësohet se qytetari grek i ka hedhur në rrugë edhe celularin shqiptarit për të shmangur zbulimin.
59-vjeçari dhe djali i tij janë arrestuar dhe po punohet për dosjen përkatëse.
Siç rezultoi nga hetimi i policisë, më datë 01.11.2022, 51-vjeçari ishte zhvendosur në veri në malet Kerdylia, për t’u punuar përkohësisht në prerjet e paligjshme të pyjeve.
Nuk dihet ende saktësisht se si ka ndodhur ngjarja, ndërsa mediat greke shkruajnë se po hetohet për zbardhjen e plotë të rrethanave.
Në kontrollet që janë kryer në shtëpinë e 59-vjeçarit dhe në makinën e djalit të tij 28-vjeçar, janë gjetur gjithsej pesë 5 thika.
Dy të arrestuarit u dërguan në Prokurorin Protodik të Selanikut, ndërsa u dorëzua dosja e ngritur ndaj 59-vjeçarit dhe ka të bëjë me plagosjen me vdekje të shqiptarit.
Top Channel
