E akuzon për spiunazh, Rusia dëbon diplomatin britanik: Ke dy javë kohë të largohesh nga vendi 26/11 13:51
Pajisja e energjisë së lartë u testua nga një frigatë e marinës anti-ajrore gjermane, duke neutralizuar disa dronë ushtarakë njeherësh.
Gjermania raporton se ka lëshuar armën e saj të se ardhmes, lazerin e energjisë së lartë, nga një frigatë e mbrojtjes anti-ajrore në detin Balltik, njoftonte prodhuesi shtetëror gjerman i armatimeve Rheinmetall.
Në testimin e muajit të kaluar frigata Sachsen kishte eliminuar disa dronë sulmues, duke provuar aftësinë për rrëzimin e objektivave në largësi të mesme e të shkurtër.
Testimi verifikonte aftësitë e radarëve dhe sensorëve elektro-optikë të HEL, deklaronte Rheinmetall, duke shtuar se arma po zhvillohet në bashkëpunim me prodhuesit gjermanë të raketave MBDA.
Ata shtonin se testimet do të vijojnë deri në mesin e vitit 2023, për të testuar aftësitë e sistemit të lazerit HEL “në skenarë të ndryshme lufte”.
Rheinmetall tha se rezultatet do të vendosin nëse arma do të bëhet operacionale.
Ushtritë perëndimore po përpiqen të avancojnë sistemet e mbrojtjes ndaj dronëve, të cilët pritet të dominojnë fushëbetejat e të ardhmes.
Me avancimin e teknologjisë së prodhimit e drejtimit, dronët vrasës tashmë mund të lëshohen në sulm në numra masivë, aq sa sistemet e mbrojtjes të mos mund t’i shkatërrojnë.
Gjenerali amerikan Curt Taylor tha muajin e kaluar se ushtria po kryen testime të bastisjes së dronëve në sulme me 40 mjete me katër helika njëherësh.
Prandaj lazerët duket se janë përgjigja më e shpejtë ndaj avancimit të teknologjisë së luftës me dronë.
Top Channel
