Efektivit të policisë rrugore në Lezhë, Zef Kolës i është vendosur tritol në banesën e tij rreth orës 02:00 pas mesnatës.
Ngjarja ka ndodhur në fshatin Manati në Lezhë ndërsa grupi hetimor ndodhet në vendngjarje për të mësuar më shumë detaje.
Autorët nuk dihen ende ndërsa do të jetë dëshmia e policit që do të zbardhë ngjarjen.
Lënda plasëse u vu në oborrin e banesës, vetëm 50 metra larg shtëpisë. Fatmirësisht nuk ka dëme të mëdha, por është dëmtuar vetëm një pjesë e portës.
“Në fshatin Manati, në porten e e oborrit të banesës së shtetasit Z. K., rreth 50 m nga godina e banesës, në anë të rrugës kryesore Manati-Lezhë, është vendosur një sasi e dyshuar lëndë plasëse e cila ka shpërthyer duke dëmtuar një seksion të portës.
Në vendngjarje po mbërrijnë specialistë të Njësisë Antieksploziv, për të kryer veprimet përkatëse për përcaktimin e llojit dhe sasisë së lëndës plasëse.
Grupi hetimor në vendin e ngjarjes, vazhdon veprimet hetimore për zbardhjen e plotë të kësaj ngjarje”- njofton policia.
Top Channel
