Shqiptari bie pre e atentatit në Itali, qëllohet 7 herë me armë zjarri
10/10/2022 13:36
Një 39-vjeçar shqiptar ka rënë pre e një atentati me armë zjarri në provincën e Raguzës në Itali.
Mediat italiane shkruajnë se ndaj tij është qëlluar 7 herë me armë zjarri dhe më pas është goditur fizikisht nga autorët.
I plagosuri u dërgua me urgjencë në spitalin Guzzardi di Vittoria, ku po merr ndihmë mjekësore.
Gjendja e tij është e rëndë, por jashtë rrezikut për jetën.
Shqiptari ishte i ligjshëm në territorin italian me leje qëndrimi të rregullt, ndërsa ende nuk dihen shkaqet e ngjarjes së rëndë, e as autorët.
Policia po punon për zbardhjen e ngjarjes dhe identifikimit të autorëve.
Top Channel