Dy persona janë vënë në pranga dhe dy të tjerë janë proceduar në gjendje të lirë, pasi kishin kthyer lokalet në ambiente ku luheshin lojërat e fatit.
Në operacionn policor të koduar “Game over” u sekuestruan 4 aparate celulare dhe shuma parash, të cilat dyshohet se janë përfituar nga kjo veprimtari e palejuar.
Në përfundim të veprimeve hetimore u arrestuan:
-56-vjeçari S. Xh., banues në Tiranë, pronar i një lokali në rrugën “Muhamet Deliu”;
– 48-vjeçari F. S., banues Tiranë, pronar i një lokali në rrugën “Tre Dëshmorët”.
Gjithashtu, u proceduan penalisht në gjendje të lire shtetasit Xh. A. 20 vjeç, dhe S. S. 17 vjeç, banues në Tiranë.
Të arrestuarit kishin përshtatur lokalet e tyre për organizimin e lotarive të palejuara dhe gjatë kontrolleve të ushtruara mga policia shtetasit S. Xh., F. S., Xh. A., dhe S. S. u kapën në flagrancë duke ushtruar aktivitetin e paligjshëm të lojërave të fatit, nëpërmjet basteve sportive.
Materialet procedurale i kaluan Prokurorisë, për veprime të mëtejshme.
Top Channel
