Gjykata e Elbasanit vendosi dërgimin për gjykim të çështjes ndaj Arbër Paplekajt i akuzuar për vrasje në rrethana cilësuese të Pjerin Xhuvanit.

Gjyqtarja Idush Maliqi vendosi dërgimin për gjykim të çështjes edhe për dy nëndrejtorët e policisë së Elbasanit dhe efektiveve Shqiponja.

Gjykata vendosi pushimin pjesërisht të çështjes për anëtarët e strukturës së mbrojtjes së votës në PD të cilët akuzoheshin për “heqjen e lirisë”.

Vendimi i gjykatës është i paapelueshëm.

Pavarësisht kërkesës së avokatit për rishqyrtim të akteve të ekspertizës gjykata ka vendosur dërgimin për gjykim.

Avokati Mirash Martini tha:Nuk komentohet vendimi i gjykatës aq më tepër që është i paapelueshëm.

Autori i dyshuar Arbër Papleka dhe momenti i vrasjes

Si ndodhi vrasja? 

Në 21 prill të vitit 2021, gjatë një përplasje me armë mes dy grupimeve politike mbeti i vrarë mjeku Pjerin Xhuvani, në atë kohë eksponent i PS-së, ndërsa mbetën të plagosur 4 persona të tjerë mes të cilëve edhe një punonjëse policie.

Pas ngjarjes, në polici u vetë-dorëzua si autor i krimit Arbër Paplekaj, shoqërues i drejtuesit politik të PD të Elbasanit në atë kohë Gazmend Bardhit.

Paplekaj, ish-efektiv i Reneas qarkullonte në Elbasan i armatosur si pjesë e strukturës për mbrojtjen e votës, strukturë e cila ishte ngritur nga PD në të gjithë vendin.

Top Channel