VIDEO/ Dygolësh brenda pak minutave, Seferi feston në Emiratet e Bashkuara Arabe 26/04 17:41
John Obi Mikel është tërhequr nga futbolli në moshën 35-vjeçare.
Mesfushori nigerian kaloi vitet më të bukura të karrierës te Chelsea (2006-2017), periudhë gjatë së cilës fitoi nëntë trofe, mes tyre edhe Champions League (2013).
35-vjeçari qëndronte pa ekip prej nëntorit të vitit të kaluar, periudhë kur i dha fund aventurës me Kuwait SC. Me kombëtaren e Nigerisë luajti 89 ndeshje (6 gola), duke ia dalë të fitonte Kupën e Kombeve të Afrikës në vitin 2013.
John Obi Mikel fitoi medaljen e bronztë me kombëtaren afrikane në Lojërat Olimpike Rio 2016, teksa fitoi edhe një Kupë Turqie me Trabzonsporin dy vite më parë. Gjatë karrierës së tij, ai veshi edhe fanellat e Middlesbrough, Stoke (Angli), TJ-Teda (Kinë) dhe Lyn (Norvegji).
“Ekziston një thënie që të gjithë gjërat e bukura e kanë një fund dhe për karrierën time si profesionist ajo ditë është sot. Kthej kokën pas në 20 vitet e karrierës time dhe duhet të pranoj se jam shumë i kënaqur me gjithçka që kam arritur.
Ky është fillimi i një rrugëtimi të ri, i një kapitulli tjetër në jetën time. Pres me padurim atë që më fsheh e ardhmja dhe shpresoj që të jeni gjithmonë pranë meje”, shkruan Obi Mikel në rrjetet sociale.
Top Channel
