VIDEO/ Momenti i frikshëm kur një transgjinor përpiqet të rrëmbejë fëmijët në një shkollë fillore me batanije 02/05 09:57
Një grua ka mbajtur peng sot stafin e një banke në kryeqytetin libanez Beirut, duke i kërcënuar me një armë, teksa kërkonte kursimet e saj për të paguar faturat mjekësore të së motrës.
Pas afro një ore ajo ishte larguar me rreth 13,000 dollarët e saj dhe nuk është e qartë nëse është arrestuar.
Pak më vonë një burrë mbajti peng një bankë në qytetin tjeter libanez Aley, në një tentativë të ngjashme për të marrë kursimet e tij.
Këto janë dy incidentet më të fundit të këtyre javëve teksa zemërimi publik po zien në Liban, ku bankat kanë vendosur kufizime të tërheqjeve prej asaj që quajnë ‘krizë ekonomike’.
Tërheqjet e valutave të huaja janë kufizuar prej vitit 2019, kur nisi një krizë e rëndë e paundit libanez.
Situata e sotme në bankën Blom Bank në zonën Sodeco të kryeqytetit zgjati rreth një orë.
Gjatë incidentit gruaja transmetoi një video direkte të vetes ku kërkonte tërheqjen e kursimeve të familjes të saj.
Pasi një tjetër grua i thotë se ‘janë tërhequr fondet’ dhe një burrë i jep qesen me dollarë, ajo dëgjohet që thotë në video: “Unë jam Sally Hafez. Kam ardhur sot për të tërhequr paratë e time motre, e cila është duke vdekur në spital”.
“Nuk kam ardhur të vras apo të qëlloj njeri … kam ardhur për të drejtën time.”
Took place at BLOM Bank in Beirut.
Appears the situation has ended with no injuries/arrests reported so far. pic.twitter.com/re8uGaqQXp
— Timour Azhari (@timourazhari) September 14, 2022
Gruaja dhe një bashkëpunëtor i saj besohet se u larguan nga një dritare e pasme e bankës para se të vinin forcat e sigurisë. Ata shtonin se arma e saj ishte nje pistolete loder.
Më vonë një grua që pretendon se është nëna e Sally Hafez tha për rrjetin AlJadeed se ishte detyruar të vepronte për të paguar kurat e kancerit të së motrës.
Burime të sigurisë thanë për Reuters thanë se in incidentin tjetër, një burrë i armatosur që hyri në bankën Bankmed në Aley kishte marrë gjithashtu $30,000 nga llogaria e tij e ngrirë, para se të dorëzohej te policia.
Ibrahim Abdallah i grupit qytetar të ngritur për kursimet e ngrira nga bankat tha se durimi i libanezëve ishte në ‘pikën e zjerjes’.
“I kërkojmë shtetit prej tre vitesh, kemi kërkuar e protestuar në mënyrë paqësore por askush nuk ka treguar interes për kauzën tonë”.
Muajin e kaluar gjykata liroi një burrë që kishte marrë peng një tjetër bankë në Beirut për disa orë, për të nxjerrë $35,000 e kursimeve të tij, të cilat tha se i duheshin për faturat e spitalit të të atit.
Top Channel
