Shqipëria mbetet pa ambasador në Zvicër, Mustafa Nano jep dorëheqjen 25/12 01:14
Duke marrë parasysh moshën e saj është e logjikshme të pyesim se çfarë ha Mbretëresha Elizabeth për të qenë e shëndetshme.
Mbretëresha ka rregulla shumë strikte kur bëhet fjalë për ushqimin. E njohur për shijen e saj tradicionale dhe dashurinë për kuzhinën e thjeshtë britanike, Elizabeth II ndjek një plan të caktuar vakti me menu të para-programuara të shkruara në frëngjisht, një gjuhë që ajo flet rrjedhshëm.
Është një dietë e thjeshtë dhe e shëndetshme, e krijuar posaçërisht për monarken më jetëgjatë në Mbretërinë e Bashkuar.
Shefi personal i mbretëreshës i dërgon tre sugjerime menuje për çdo vakt të javës dhe ajo zgjedh se cila prej tyre i pëlqen më shumë. Çfarë ha mbretëresha për mëngjes?
Dita e mbretëreshës fillon në orën 7:30 të mëngjesit, kur çaji dhe biskotat i sillen direkt në dhomën e saj të gjumit.
Sipas thashethemeve, një kamariere i sjell asaj një tabaka me dy çajniqe të forta argjendi, njëra me gjethe çaji Earl Grey dhe tjetra me ujë të nxehtë, një filxhan dhe pjatë prej porcelani dhe një pecetë prej liri të qëndisur me inicialet e saj mbretërore. Top Albania Radio shkruan se vetëm pas një banje në mëngjes, mbretëresha ha mëngjes në dhomën e saj private të ngrënies në orën 8:30: drithëra dhe fruta të freskëta për vaktin më të rëndësishëm të ditës.
Sipas ish-kuzhinierit mbretëror, drithërat “Special K” janë të preferuarat e mbretëreshës. Por ndonjëherë ndodh që Madhëria e Saj zgjedh të hajë bukë të thekur dhe reçel, e herë pas here edhe vezë të fërguara me salmon të tymosur dhe tartuf të grirë.
Çfarë ha mbretëresha për drekë? Para drekës, që zakonisht shërbehet në orën 1, mbretëresha shijon një gotë xhin dhe Dubonnet (një aperitiv i ëmbël me bazë vere) me një fetë limoni dhe shumë akull.
Ish-kuzhinieri tha se për fat të keq mbretëresha nuk është gustator por “ha për të jetuar”. Dhe dreka është shumë e thjeshtë, zakonisht një vakt peshku dhe perimesh, si përshembull peshk i pjekur në skarë me spinaq ose kungull të njomë, ose një pulë e thjeshtë e pjekur në skarë me sallatë.
Vakti që nuk duhet humbur kurrë? Çaji i pasdites është një fiksim në pallat. Shpesh shërbehet me një fetë tortë të bërë me biskota me çokollatë, e preferuara e Mbretëreshës, e cila u shërbye gjithashtu në dasmën e Princit William në vitin 2011.
Gjithashtu nuk mungojnë sanduiçet e vegjël me mbushje si ton dhe kastravec, salmon i tymosur, vezë dhe majonezë ose proshutë dhe mustardë, të cilat shërbehen pa kore. Çfarë ha mbretëresha për darkë? Preferencat e monarkes për darkë ndryshojnë shpesh dhe përfshijnë një kombinim të mishit ose peshkut dhe perimeve. Por asnjëherë karbohidratet.
Si pjatë kryesore, zbuloi shefi i kuzhinës, mbretëresha do gjëra të tilla si biftek gaelik, fileto me salcë uiski me kërpudha dhe mish dreri. Ekipi i kuzhinës ka një repertor pjatash, kryesisht ushqime britanike dhe franceze, të cilat Elizabeth II i pëlqen shumë.
Dhe nëse ka një gjë që Madhërisë së Saj nuk i mungon kurrë, është ëmbëlsira. Në fakt, Mbretëresha thuhet se i pëlqen luleshtrydhet Balmoral dhe pjeshkët e bardha të rritura në Kështjellën Windsor. Por ka edhe një prirje për çokollatën.
Top Channel
