“Mbretëresha Elizabeth refuzoi çmimin Nobel për Paqen”, oborrtari i lartë zbulon sekretin 18/11 14:43
Donald Trump e ka quajtur presidentin Joe Biden “armik të shtetit” në tubimin e tij të parë që kur FBI kontrolloi rezidencën e tij në Florida. Deklarata e tij vjen pak kohë pasi Biden tha se demokracia amerikane rrezikohet nga Trumpi dhe mbështetësit e tij.
“Dëshironi të dini të vërtetën? Armiku i shtetit është ai dhe grupi që e kontrollon atë”, u shpreh Trump.
Ish-presidenti akuzoi zotin Biden se kishte kthyer FBI-në kundër tij. Kontrolli ishte “një nga abuzimet më tronditëse të pushtetit nga çdo administratë në historinë amerikane”, tha Trump.
Agjentët e FBI-së që kryen kërkimin në Maralago gjetën dhjetëra dosje bosh të shënuara si të klasifikuara dhe tepër sekrete nga zyra e tij personale.
Trump, i cili po hetohet për keqtrajtimin e të dhënave të klasifikuara, mohon akuzat.
Përveç kontrollit në Maralago, ish-presidenti iu kthye temave të njohura në mitingun e Pensilvanisë: pretendime të rreme se zgjedhjet e vitit 2020 iu vodhën, sulme ndaj rivalëve në Partinë Demokratike dhe premtime për “të shpëtuar vendin”.
Top Channel
