CNN: Arabia Saudite po bëhet kryeqyteti i drogës në Lindjen e Mesme

Për shkak të këtij veprimi katër anëtarë të familjes së tij u vranë, ndërsa policia ka deklaruar se ai ishte nën ndikimin e shabu, një metamfetamine.

Mediat saudite kanë dhënë alarmin kohët e fundit për rritjen e përdorimit të drogës, duke i përshkruar dërgesat e lëndëve narkotike në mbretëri si një luftë e hapur kundër tyre dhe më e rrezikshme se çdo luftë tjetër.

Këtë të mërkurë, autoritetet saudite njoftuan sekuestrimin më të madh të drogave të paligjshme në historinë e vendit pasi afro 47 milionë pilula amfetamine u fshehën në një ngarkesë mielli dhe u kapën në një magazinë në kryeqytetin Riad.

Ekspertët thonë se sekuestrimi rekord tregon rritjen e rolit në Arabisë Saudite, si kryeqyteti i drogës në Lindjen e Mesme.

Sipas CNN kjo nxit kërkesën, duke u bërë destinacioni kryesor për kontrabandistët nga Siria dhe Libani .

Ata thonë se mbretëria është një nga destinacionet më të mëdha dhe më fitimprurëse rajonale për drogën dhe ky status po intensifikohet.

Operacioni i së mërkurës ishte tentativa më e madhe e vetme e kontrabandës për sa i përket kapjes së lëndëve narkotike, sipas Drejtorisë së Përgjithshme të Kontrollit të Narkotikëve.

Ndërkohë që autoritetet nuk e përmendën drogën e konfiskuar ose nga vinte ajo, Zyra e Kombeve të Bashkuara për Drogën dhe Krimin (UNODC) ka thënë më parë se “raportet e konfiskimeve të amfetaminës nga vendet në Lindjen e Mesme vazhdojnë t’i referohen kryesisht tabletave që mbajnë Captagonin (logo)”.

Captagon ishte fillimisht emri i markës për një produkt medicinal që përmban stimuluesin sintetik fenethylline.

Megjithëse nuk prodhohet më legalisht, barnat e falsifikuara që mbajnë emrin kaptagon sekuestrohen rregullisht në Lindjen e Mesme, sipas Qendrës Evropiane të Monitorimit për Drogën dhe Varësinë nga Drogat.

Droga në Arabinë Saudite dhe në rajon janë rritur me kalimin e kohës. Në fillim të kësaj jave, një varkë e Rojës Bregdetare të SHBA-së kapi 320 kilogramë tableta amfetamine dhe pothuajse 3000 kilogramë hashash me vlerë miliona dollarë nga një varkë peshkimi në Gjirin e Omanit.

Droga u popullarizua në mbretëri rreth 15 vjet më parë, por është përhapur më intensivisht në pesë vitet e fundit.

Një nga arsyet që kaptagoni po përhapet në përdorim është sepse tani ka një përmbytje të furnizimit, që vjen kryesisht nga Siria.

Ato prodhohen në një shkallë industriale në fabrikat kimike të trashëguara nga regjimi Asad.

Captagon mund të shitet nga 10 deri në 25 dollarë për pilulë, që do të thotë se sasia e fundit saudite nëse do të ishte i njëjti ilaç, ka një vlerë deri në 1.1 miliardë dollarë, bazuar në shifrat nga revista International Addiction Review .

Ndërsa hashashi është gjithashtu drogë e zakonshme në mbretëri, ndërsa amfetaminat janë të njohura kryesisht tek të rinjtë sauditë.

Felbab-Brown deklaroi se meqenëse shumë të rinj në Arabinë Saudite kanë marrë drogë si rezultat i mërzisë dhe mungesës së mundësive sociale, liritë e shtuara nga Princi i Kurorës Mohammed bin Salman mund të ndihmojnë në uljen e një pjese të këtij përdorimi.

“Gjëja e rëndësishme nuk është as të kufizohen liritë, as të kthehen koncertet në vende të rrjetave zvarritëse dhe bastisjeve, por përkundrazi të edukohen të rinjtë”, tha ajo për CNN.

Gjatë viteve të fundit, një numër qendrash rehabilitimi nga droga janë shfaqur në mbarë mbretërinë, pasi qeveria filloi të licencojë institucionet private.

Khalid Al Mashari, CEO i Qaweem , një nga qendrat e para të tilla që u hap, thotë se rreth katër ose pesë janë hapur në dy vitet e fundit.

Kjo është një dëshmi e njohjes nga qeveria të rëndësisë së rehabilitimit, por gjithashtu ai tregon se problemi është në rritje.

Top Channel