Mbyllet panairi i librit! Interes i shtuar i lexuesve, organizatorët bëjnë bilancin: Janë shitur shumë libra
17/11 21:09
Autoportreti ikonë i artistes së famshme meksikane Frida Kahlo, i titulluar “Diego dhe unë”, është ekspozuar për të parën herë në çerek shekulli në Muzeun e Artit latino-amerikan në Buenos Ajres.
Ishte pikërisht themeluesi i këtij muzeu ai që e ka blerë pikturën më të shtrenjtë në histori të Amerikës Latine.
“E kam njohur veprën “Diego dhe unë” për dyzet vjet. Nga afër megjithatë, nuk e kisha parë ndonjëherë, vetëm nëpër libra. Kur u mësua se ajo do të dilte në shitje, filluam të dridhemi..Ishte e pabesueshme për ne. Tani, ç’tju them për vlerën e saj. Ndonjëherë hasni në vepra të tilla që ju shkatërrojnë të gjitha financiat, por që ia vlen plotësisht“- shprehet Eduardo Costantini, themeluesi i muzeut.
Ai arrin të shohë përtej formave të fytyrës së gdhendur të piktores dhe ngjyrave të gjalla të saj.
“Mund të shikoni lot në sytë e Fridës. Floku i është kapur pas fytit sikur po e mbyt. Por pavarësisht të gjithe dhimbjes që Diego Rivera i shkaktoi për shkak të marrëdhënies së supozuar të tij me një grua tjetër, ekziston një portret i tij si syri i tretë në ballin e saj, cka tregon se janë absolutisht të pandashëm”.
Costantini e bleu disa muaj më parë pikturën e shumëlakmuar për 34.9 million dollarë në Nju Jork në një ankand të Sotheby. Kjo përbën herën e parë që prej 1998-tës që ajo ekspozohet për publikun e gjerë.
Top Channel
