Pronari i një pularie të palicensuar që prodhonte dhe shiste vezë të pakontrolluara është arrestuar këtë të martë në Shkodër.
55-vjeçari Vitor Gjergji banues në fshatin Bërdicë, akuzohet për veprat penale “Mashtrimi me produktet ushqimore”, “Shkelja e të drejtave të pronësisë industriale”, “Fshehja e të ardhurave” dhe “Ushtrimi i aktivitetit tregtar të paregjistruar në organet tatimore”.
Pularia nuk ishte e regjistruar në organet tatimore ndërsa vezët 55-vjeçari i shiste me emërtimet e markave të tjera.
Për rastin, është shpallur në kërkim drejtori i AKU-së në Shkodër dhe është vënë nën hetim inspektori pranë Drejtorisë Rajonale të Mjedisit në Shkodër. Ata akuzohen për shpërdorim detyre.
Top Channel
