Detaje të reja janë zbuluar nga ngjarja e rëndë në Shkodër, ku një fëmijë rreth 10-vjeç u vra aksidentalisht nga xhaxhai i tij.
Policia bën me dije se ngjarja ka ndodhur teksa 68-vjeçari me inicialet V.J. po pastrinte çiften dhe aksidentalisht e ka shrepur atë duke vrarë të nipin B.J, rreth 10 vjeç, e duke plagosur veten në dorë.
Ngjarja ndodhi mbrëmjen e sotme në fshatin Samrisht të Shkodrës, ndërsa në vendngjarje po shkon grupi hetimor, nën drejtimin e Prokurorisë, për kryerjen e veprimeve dhe zbardhjen e plotë të rrethanave të ngjarjes.
Njoftimi i policisë:
Më datë 09.08.2022, rreth orës 21:55, në fshatin Samrisht, Shkodër, nga të dhënat paraprake dyshohet se aksidentalisht duke pastruar çiften, shtetasi V.J, 68 vjec, ka vrarë me armën e gjahut nipin e tij B.J, rreth 10 vjeç.
Nga e shtëna aksidentale është plagosur në dorë dhe vetë shtetasi V.J. jashtë rrezikut për jetën.
Në vendngjarje po shkon grupi hetimor, nën drejtimin e Prokurorisë, për kryerjen e veprimeve dhe zbardhjen e plotë të rrethanave të ngjarjes.
Top Channel
