Qeveria e Malajzisë pranon ofertën, rinisin kërkimet për avionin e zhdukur 10 vite më parë 20/12 14:05
Dhjetëra fluturime u anuluan në fundjavë në aeroportin e Charles de Gaulle, më i prekuri nga një konflikt social mbi pagat dhe kushtet e punës, që mund të ndikojë edhe në fillimin e pushimeve verore brenda një jave.
Zjarrfikësit e Paris-Charles-de-Gaulle (CDG), aeroporti i parë francez i quajtur ndryshe edhe “Roissy”, kanë qenë në grevë që nga e enjtja, duke detyruar Drejtorinë e Përgjithshme të Aviacionit Civil (DGAC) të kërkojë anulime parandaluese të fluturimeve për arsye sigurie.
Fluturimet janë anuluar paraprakisht dhe pasagjerët kanë qenë të paralajmëruar, ndërsa menaxheri i aeroporteve të Parisit nuk ka identifikuar probleme të mëdha, përveç “disa vonesave krejtësisht normale për një ditë nisjesh të mëdha”.
Qasja në aeroport nuk u pengua, si të premten, nga greva sindikale, vuri në dukje ai.
Aeroporti tjetër i madh në rajonin e Parisit, Orly, nuk ndikohet shumë nga lëvizja pasi në të bashkohen punonjës të tjerë të ADP dhe nënkontraktorë në një lëvizje ndërsindikale dhe ndërprofesionale për pagat dhe kushtet e punës, duke përfshirë njoftimet gjatë gjithë fundjavës.
Negociatat për pagat ende nuk kanë pasur sukses, ndërsa vazhdojnë bisedimet dhen ditët ën vijim pritet lajme të mira sa i përket kësaj. Gjithsesi aeroporti i Parisit ka njoftuar se aullime të tjera mund të vijojnë edhe për shkak të problemeve të tjera operacionale.
Top Channel
