Tragjedia e Himarës/ Protestë para Ministrisë së Brendshme, qytetarët hedhin bojë të kuqe në godinë

08/08/2022 20:18

Disa qytetarë janë mbledhur këtë pasdite pranë ministrisë së Brendshme për të protestuar për vrasjen e 7-vjeçares Jonada Avdia nga një gomone në plazhin Potam të Himarës.

Ndonëse më të paktë në numër se të enjten, protesta po mbahet para Ministrisë së Brendshme, ndërsa kërkohet dorëheqja e ministrit të Brendshëm Bledi Çuçi dhe ministres së Turizmit, Mirela Kumbaro.

Disa prej tyre kanë hedhur bojë të kuqe në muret e Ministrisë në Brendshme, në shenjë të gjakut të derdhur të Joanës së vogël pas goditjes së gomones në Potam.

Pas pak, pritet që Shoqërua Civile dhe politikanë të opozitës të marshojnë drejt kryeministrisë.

Kjo protestë vjen pas tragjedisë së ndodhur në plazhin e Potamit në Himarë, ku  vogëlushja 7-vjeçare, Jonada Avdia, u aksidentua dhe humbi jetën nga një skaf që drejtohej nga komisari Arjan Tase.

Jonada kishte ardhur me pushime me prindërit e saj, të cilët prej më shumë se dy dekadash jetojnë në Angli.

FOTO GALERI
1/22

Top Channel